Қираған үйлердің орны тазартылуда

Кешегі оңтайландыру жылдарынан мұраға қалған қираған үйлер қай өңірге барсаңызда менмұндалап алдыңыздан шығары анық. Мұндай сүреңсіз суреттер Қарсақбай кентінде де аз емес.

Селоның сәнін кетіріп тұратын осындай құлаған құрылыстарды тазалап, орнын тегістеп бүгінде аудан бойынша қолға алынып жатыр. Бұған аудандық бюджеттен қомақты қаржы да қарастырылуда. Қазір Қарсақбай кентінде аудандық бюджет есебінен иессіз тұрған үйлердің орны тазартылуда. Бұл жерден шыққан қатты қалдықтар арнайы қоқыс төгетін орындарға шығарылуда. Оған 1 жүк тиегіш (погрузчик), 3 камаз жұмылдырылды.

Жұмыстарды «Темір-Бай KZ» жауапкершілігі шектеулі серіктестігі атқаруда. Тазалау жұмыстары 2023 жылдың қыркүйек айында аяқталады деп жоспарланған.