Еріктілер шағын гранттар байқауына өтініш бере алады

Ақпарат және қоғамдық даму министрлігі жоғалған адамдарды іздеу, табиғи және техногендік сипаттағы төтенше жағдайлардың зардаптарын жою жөніндегі жобаларды іске асыруға арналған шағын гранттар конкурсын өткізеді.

Конкурсқа қатысуға жеке тұлғалардан, бастамашыл топтардан және үкіметтік емес ұйымдардан өтінімдер қабылданады.

Волонтерлік бастамаларды қолдауға келесі бағыттар бойынша 500 мың теңгеден 30 грант берілетін болады:

— ТЖ саласындағы жобалар;

— адамдарды іздеу жобалары;

— табиғи және техногендік сипаттағы төтенше жағдайлардың салдарын жою және апат тәуекелдерін төмендету бойынша жобалар;

— басқа бағыттар.

Конкурс туралы ережеде толығырақ: https://docs.google.com/document/d/19ovvdrId6Xrf6nSkIlzdsrONgfYg3eTd/edit

Қазақстан Республикасы Ақпарат және қоғамдық даму министрлігінің ақпараты бойынша