Еңбектері еленді
10 қазанда елімізде Кəсіподақтар күні аталып өтілетін. Биыл бұл мереке Республика күнімен орайластырылып өткізілді. Шара барысында ауданымыздың бірқатар азаматтары түрлі марапаттарға ие болды.
Аудан əкімінің орынбасары Мақсұт Оспанов салтанатқа қатысушыларды Кəсіподақ күнімен құттықтап, аталмыш қоғамдық институттың аудан өміріне, ауданның əлеуметтік-экономикалық дамуына тигізіп отырған ықпалы жайлы айта келіп, осы жолда еселі еңбек етіп жүрген жандарға ризашылық сезімін білдірді.
Ұлттық мерекеге орайластырып өткізілген іс-шарада «Ұлытау аудандық ауыл шаруашылығы, қайта өңдеу ұйымдары жəне мемлекеттік мекемелер қызметкерлерінің кəсіподағы» қоғамдық бірлестігінің төрағасы Шаяхмет Үмбетов аудандағы аталған ұйымның атқарған жұмыстары жөнінде баяндап, бірқатар кəсіподақ мүшелерін марапаттады. Атап айтар болсақ, аудан əкімінің орынбасары Мақсұт Оспанов ҚР «Ауыл шаруашылығы ардагерлер Кеңесі» Қоғамдық бірлестігінің «Құрметті ардагер» төсбелгісіне, аудандық ветеринарлық станция бөлімінің басшысы Серік Тəшенов ауыл шаруашылығы қызметкерінің салалық кəсіптік одағының «Елеулі еңбегі үшін» медаліне, аудандық «Ұлытау» газетінің корректоры Əлия Əбітова ІІІ дəрежелі «Еңбек даңқ» төсбелгісіне ие болды.
Өз тілшімізден.
