Еңбекке бейім ел озады

Қандай қоғам болмасын, оның тұрақты дамуы мен өркендеуі еңбек адамдарының маңдай теріне тікелей байланысты. Жұмысшы мамандық – тек кәсіби қызмет емес, ол адалдықтың, төзімділіктің, жауапкершіліктің айнасы.

Құрылысшы, дәнекерлеуші, шахтер, ұстаз, дәрігер, механизатор, жүргізуші – барлығы да елдің іргесін берік етіп, халықтың тұрмысын жақсартуда орасан үлес қосып келеді. Әрбір жолдың салынуы, әрбір үйдің тұрғызылуы, әрбір өндіріс ошағының іске қосылуы – еңбек адамының қолтаңбасы.

Бүгінгі жастар үшін жұмысшы мамандық тек нан табудың жолы ғана емес, ол – елге қызмет етудің, болашақты қалыптастырудың бірден-бір мүмкіндігі. Қай салада болмасын, өз ісін сүйіп атқаратын мамандардың арқасында Қазақстанымыз дамып, жарқын болашаққа қадам басып келеді.

Руслан БЕГАЕВ,
музыкант.