Еңбек ардагерлерімен кездесу

Қазақстан Республикасының Тəуелсіздігі күніне орай, аудан əкімі Аманжол МЫРЗАБЕКОВ ауыл ақсақалдары мен ақ жаулықты аналармен кездесу өткізді.

Мерекелік шараға аудандық мəслихаттың хатшысы Ахат Құрмансейітов, аудан əкімінің орынбасары Алмаз Қайырбек, ауыл əкімі Талғат Əбжаппаров, аудандық ішкі саясат бөлімінің басшысы Азамат Каренов қатысты.

Кездесу барысында аудан басшысы жиналғандарды мерекелерімен құттықтады. Ал, аудандық ардагерлер кеңесінің төрағасы Əлімбек Жандарбеков ауданымыздың бір топ еңбек ардагерлерін марапаттады. Атап айтқанда, «Ардагерлер ұйымы» Республикалық қоғамдық ұйымының «Құрмет белгісі» төсбелгісімен Сəрсен Бектемісов марапатталса, осы ұйымның Алғыс хаты Ыбырахым Байболовқа тапсырылды. Сондайақ, Ұлытау облысы ардагерлер кеңесінің Құрмет грамотасы Мағзұмбек Машайықовқа, аудан əкімінің Құрмет грамотасы Шарипа Сағадиева мен Сəуле Əубəкіроваға табыс етілді.

Жасұлан АЯШЕВ