Биыл Жезқазғандағы бірқатар тұрғын үй орталықтандырылған газға қосылады
Жезқазған қаласын дамыту мәселелері жөніндегі кеңесте сөз сөйлеген Берік Әбдіғалиұлы облыс орталығын жылумен және газбен жабдықтауға егжей — тегжейлі тоқталды.
«Жылыту маусымында облыс орталығының тұрғындарын жылумен қамтамасыз етуде проблемалар туындағаны құпия емес. Осыған байланысты 2023 жылы 3 млрд теңге сомасына 1,6 км жылу магистралі қайта жаңартылатын болады. Жоба бойынша жұмыстар 20 сәуірден кейін басталады. Аяқталу мерзімі — 2023 жылдың қыркүйегі» – деді өңір басшысы.
Сонымен қатар 14,1 шақырым ішкі жылу желілерін ағымдағы жөндеуге 1 млрд теңге қарастырылған. Жұмыс қаланың 21 учаскесінде жүргізіледі. Аяқталу мерзімі — осы жылдың қазан айы.
Газбен жабдықтауға келетін болсақ, биыл Қостангелді және Бекболатсай шағын аудандары, сондай-ақ қаланың батыс ауданы газға қосылады.
