Биыл Жезқазғанда 28 тұрғын үйдің құрылысы басталады
Биыл Жезқазғанда жалпы пәтер саны 1600 болатын 28 үйдің құрылысы басталады. Бұл туралы облыс орталығын дамыту мәселелері жөніндегі кеңесте аймақ басшысы Берік Әбдіғалиұлы мәлімдеді.
«Бүгінде қала бойынша тұрғын үй кезегінде алты мыңға жуық адам тұр. Осы мәселені кезең-кезеңімен шешу мақсатында биыл 1 600 пәтерге арналған 28 үйдің құрылысы басталады», – деді өңір басшысы
Биыл жыл соңына дейін үш үйдің құрылысы аяқталады деп жоспарлануда. Өзге құрылыстар 2024 жылы пайдалануға берілуі тиіс.
Жиында жоспарланған құрылыс нысандарының ішінде 14 үй мемлекеттік бюджет есебінен, 10 үй жеке инвестициялар есебінен, тағы 4 үй «Қазақмыс» корпорациясы есебінен салынатыны атап өтілді.
