Білікті дәрігерге – шынайы ілтипат
Аудан әкімінің орынбасары Бағдат БАЙЖАНТАЕВ ауданның денсаулық сақтау саласына 40 жылға жуық ғұмырын арнаған білікті маман, дәрігер-педиатр Марат ДҮКЕНБАЕВТЫ зейнет жасына толуына байланысты арнайы қабылдап, құрмет көрсетті. Мінсіз қызметі үшін алғыс айтып, аудан әкімдігі мен аудандық мәслихаттың Құрмет грамотасын табыс етті.
Марат Кемелбекұлы дәрігерлік еңбек жолын 1981 жылы Ұлытау ауданы, Қаракеңгір ауылдық ауруханасында бастаған. 1982 жылы Ұлытау аудандық ауруханасына қызметке келеді. 1997 жылы аудандық аурухананың бас дәрігері болып тағайындалды. 2000 жылдан бүгінгі күнге дейін аталған медицина ошағында балалар дәрігері қызметін атқарып келеді.
Денсаулық сақтау ісіндегі еселі еңбегі үшін «Шапағат» медалімен, ҚР Президентінің Алғыс хатымен марапатталған.
2005 жылы Ұлытау ауданы әкімі сыйлығының «Үздік дәрігер» номинациясы бойынша жеңімпазы болған.
«ҚР Денсаулық сақтау ісінің үздігі» төсбелгісінің иегері.
«Кәсіподаққа сіңірген еңбегі үшін» төсбелгісімен марапатталған.
Жасұлан АЯШЕВ
