Бөлімге жаңа басшы тағайындалды
Ұлытау ауданы әкімінің 2021 жылғы 2 тамыздағы өкіміне сәйкес, Болатбек Қамариденұлы ЕСНАЗАРОВ Ұлытау ауданының жер қатынастары, сәулет және қала құрылысы бөлімінің басшысы қызметіне тағайындалды.
Болатбек Қамариденұлы 1998 жылы Ө.Байқоңыров атындағы Жезқазған университетін өндірістік және азаматтық құрылыс мамандығы бойынша бітірген.
Еңбек жолы 2000-2008 жылдар аралығында «Ұлытау» ұлттық тарихи-мәдени және табиғи қорық-мұражайында жетекші ғылыми қызметкер болып бастаған.
— 2008-2009 жылдары – Ұлытау ауданының тұрғын-үй коммуналдық шаруашылығы, жолаушылар көлігі, автомобиль жолдары бөлімінің бас маманы;
— 2009-2012 жылдары – Ұлытау ауданы бойынша мемлекеттік экологияны қорғау жөніндегі бақылау инспекторы;
— 2012-2020 жылдары – «Қос Батыр» ЖШМ құрылыс инженері.
— 2020 жылдың 1 маусымынан бастап, тағайындалғанға дейін Ұлытау ауданының тұрғын-үй коммуналдық шаруашылығы, жолаушылар көлігі, автомобиль жолдары бөлімінің басшысы қызметін атқарған.
