Бүгін президенттікке үміткерлер теледебатқа қатысады

Бүгін сағат 20:00-де «Хабар» телеарнасында сайлауалды телевизиялық дебат басталады.

Ережеге сәйкес, теледебат төрт раундтан тұрады.

Бірінші раунд – «Сайлауалды бағдарламаның таныстырылымы», онда қатысушылар сайлауалды бағдарламасының негізгі бағыт-бағдарын таныстырады.

Екінші раундта «Пікірсайыс сессиясы» өтеді, онда әр қатысушы қарсыластарына екі сұрақ қоя алады.

Үшінші раунд — «Сайлаушылардың сұрақтары».

Төртінші раунд — «Сайлаушыларға үндеу».