Ауыл шаруашылығы еңбеккерлері құрметке бөленді
Аудан әкімдігінде ауыл шаруашылығы еңбеккерлері күнінде аудандағы шаруа қожалық иегерлеріне құрмет көрсетілді. Салтанатты шарада аудан әкімі Советбек Медебаев ауыл шаруашылығы қызметкерлерін кәсіби мерекелерімен құттықтап, марапаттады.
ҚР «Ауыл шаруашылығы ардагерлер кеңесі» қоғамдық бірлестігі «Құрметті ардагер» төсбелгісімен Ахметжан Жанұзақов, ауыл шаруашылығы министрлігінің «Еңбек ардагері» төсбелгісімен Құрманғали Тобашев, ауыл шаруашылығы қызметкерлерінің салалық кәсіптік одағының төсбелгісімен Марат Пшембаев, Мұрат Бейсекеев, Дулат Бекетаев, Бауыржан Досанов, Қосан Қаржаубай, Азатбек Қыдырпатшаев марапатталды. Сондай-ақ, облыс әкімінің Құрмет грамотасымен Жарқынбек Қожамсейтов, Сәуле Халықоваларға табысталды. Марапатты аудан басшысы мен «Қарағанды облысы ауыл шаруашылығы қайта өңдеу ұйымдары және мемлекеттік мекемелер қызметкерлері жергілікті кәсіподағы» қоғамдық бірлестігінің Ұлытау ауданы бойынша өкілдігінің төрағасы Шаяхмет Үмбетов тапсырды.
Бұдан кейін аудандық мәслихат хатшысы Аманжол Мырзабеков, аудандық ауыл шаруашылығы бөлімінің басшысы Сағади Обайдуллин жүрекжарды лебіздерін білдірді.
Мерекелік шара аудандық мәдениет үйі өнерпаздарының концерттік бағдарламасына ұласты.
Жасұлан АЯШЕВ
