Аумақтық және учаскелік сайлау комиссияларының құрамына өзгерістер енгізу туралы Ұлытау аудандық мәслихатының
ХАБАРЛАМАСЫ
«Қазақстан Республикасындағы сайлау туралы» Қазақстан Республикасы Конституциялық заңының 10 және 19-баптарына сәйкес, аумақтық және учаскелік сайлау комиссиялары мүшелерінің өз міндеттерінен босатылуына байланысты, Ұлытау аудандық мәслихаты аумақтық және учаскелік сайлау комиссияларының құрамына өзгерістер енгізу туралы хабарлайды.
Әрбір саяси партия немесе оның құрылымдық бөлімшесі аумақтық және учаскелік сайлау комиссияларының құрамына бір кандидатура ұсынуға құқылы. Саяси партия сайлау комиссиясының құрамына осы саяси партияның мүшесі болып табылмайтын кандидатураны ұсынуға құқылы. Мәслихат белгілеген, сайлау комиссиясын құру мерзіміне дейін он бес күннен кем болмауға тиіс мерзімде саяси партиялардың ұсыныстары болмаған жағдайда, мәслихат сайлау комиссиясын өзге де қоғамдық бірлестіктердің және жоғары тұрған сайлау комиссиясының ұсынысы бойынша сайлайды.
Сайлау комиссиясының құрамына ұсынылатын адамдар оның жұмысына қатысуға келісетіні туралы өтiнiштерiн қоса береді. Бұл өтініштің үлгісі https:// ulytau-maslihat.gov.kz/ аудандық мәслихаттың сайтында көрсетілген. Ұсынылған кандидатуралар «Қазақстан Республикасындағы сайлау туралы» Қазақстан Республикасы Конституциялық заңының 19-бабының 2-1, 10-тармақтарына және 20-бабының 12-тармағына сәйкес болулары тиіс.
Осы ұсыныстар аудандық мәслихатта 2021 жылдың 19 маусымынан 2021 жылдың 3 шілде аралығындағы мерзімде қабылданады (дүйсенбі – жұма 9-00-ден 18-00-ге дейін).
| № | Сайлау учаскесінің атауы | Орналасқан жері | Бос орындар саны |
| 1 | Аудандық аумақтық комиссиясы | Ұлытау с. Абай көшесі 23 | 1 |
| 2 | №698 Алғабас сайлау учаскесі | Бетбұлақ с. Берден көшесі 11 | 1 |
| 3 | №699 Ақтас сайлау учаскесі | Ақтас к. Аманкелді көшесі 5 | 1 |
| 4 | №702 Қорғантас сайлау часкесі | Амагелді с. Тоқсейт қыстағы | 1 |
| 5 | №705 Егінді сайлау учаскесі | Егінді с. Ерден көшесі 2 | 2 |
| 6 | №707 Қызыл үй сайлау учаскесі | Жанкелді с. Қызыл үй бөлімшесі | 3 |
| 7 | №709 Өркен сайлау учаскесі | Жезді к. Сәтбаев көшесі 9 | 1 |
| 8 | №713 Қарсақбай сайлау учаскесі | Қарсақбай к. Болман ақын көшесі 74 | 1 |
| 9 | №714 Балбырауын сайлау учаскесі | Қарсақбай к. Сәтбаев көшесі 9 | 3 |
| 10 | №716 Құлжанбай сайлау учаскесі | Қоскөл с. Құлжанбай бөлімшесі | 1 |
| 11 | №723 Ұлытау сайлау учаскесі | Ұлытау с. Абай көшесі 2 | 1 |
І. ҰЛЫТАУ АУДАНДЫҚ МӘСЛИХАТЫ
Аудандық мәслихаттың мекен-жайы: Ұлытау с., Абай к., 27 үй.
Аудандық мәслихат хатшысы – Мырзабеков Аманжол Батырбекұлы.
Материалдарды жинауға жауапты: Қайрбек Алмаз Қайрбекұлы – аудандық мәслихат аппаратының басшысы, қызмет телефоны: 8 (71035) 2-12-23, эл.почта: ulytaumaslihat@mail.ru.
