«Қасымтану» көрмесі өтті

Аудандық Мәдениет үйінде Е.А. Бөкетов атындағы Қарағанды университеті «Қасымтану» зерттеу орталығының көрмесі өткізілді. Көрме жұмысы ел Тәуелсіздігінің 30 жылдығы мен Қасым Аманжоловтың 110 жылдығына арналды.

 

Мазмұнды шараға Е.А.Бөкетов атындағы Қарағанды университетінің коммерциялық емес акционерлік қоғамының Басқарма төрағасы – ректорының кеңесшісі, философия ғылымдарының докторы Мирас Құттыбай, аудан әкімінің орынбасары Алмаз Қайырбек, Е.А.Бөкетов атындағы Қарағанды университетінің коммерциялық емес акционерлік қоғамының «Қасымтану» ғылыми зерттеу орталығының директоры, филология ғылымдарының докторы, профессор Жансая Жарылғап қатысып, көрме аясында ақын жайлы мол мағлұмат берді. Бұдан кейін Е.А.Бөкетов атындағы Қарағанды университеті Ғылыми кітапханасының директоры Гаухар Әбдіғұлова көрмеге қойылған кітаптар мен суреттерді кеңірек таныстырды.

Аталған іс-шарада «Қасымтану» зерттеу орталығының бір топ зерттеушілерінің еңбегі жинақталған. Сонымен қатар, Қасым ақынның көпшілік біле бермейтін кітаптары, басқа да құнды деректері көрмеге қойылған.

Шара соңында ел Тәуелсіздігінің 30 жылдығы мен Қасым Аманжоловтың 110 жылдығына арналған деректі фильм көрсетілді.

Жасұлан АЯШЕВ