Қасиетті Рамазан айы құтты болсын!
Қымбатты жерлестер!
Баршаңызды қасиетті Рамазан айының басталуымен шын жүректен құттықтаймыз!
Бұл ай – әр шаңырақты бақыт пен берекеге бөлейтін, әр кеудені Жаратушыға деген сенім мен иманға кенелдіретін құдіретімен ұлық. Сондай күш-қуатымен, тәрбиемен тағылымға толы. Ол әрбіріміздің бойымызда қанағатшылдық, шүкіршілік, кешірімділік, бауырмалдық сияқты қасиеттерді бекемдейді. Сондықтан да баршаңызға Рамазан айының рахатын мейлінше сезінуге, қасиетті айда жан мен тәндеріңіздің толықтай тазарып, рухани қуат алып, көркем мінез бен кемелдікке жетуге тілектеспіз. Осы айдағы әр күнімізді ізгі амал-әрекеттерге, қайырымдылық пен мейірімге толтырып, игілікті істердің басынан табылуға тырысайық.
Баршамыздың ниет-тілектерімізді қабыл етіп, отбасыларыңызға амандық, бақбереке тілейміз! Оразаларыңыз қабыл болсын!
Советбек Медебаев,
Ұлытау ауданының әкімі.
Аманжол Мырзабеков,
аудандық мәслихаттың хатшысы.
