Қарсақбайлық зауыт қызметкерлеріне құрмет көрсетілді

Кеншілер күніне орай Қарсақпай зауытының бірқатар қызметкері құрметті наградалармен марапатталды.

Атап айтар болсақ, ІІІ дәрежелі «Еңбек даңқы» төсбелгісімен Ғабит Ермағанбетов, «Кәсіподақтың құрметті қайраткері» төсбелгісімен Елубай Наурызбаев, «Еңбек озаты» төсбелгісімен Серік Түлкібаев, Бақтияр Ансағаев, Оразай Жанаділов марапатталды. Сондай-ақ, зауыттың бірқатар қызметкері Ұлытау ауданы әкімінің алғыс хаттарымен және кәсіподақ грамоталарымен марапатталды.

Кеш соңы концерттік бағдарламаға ұласты.

Айта кетейік, бүгінде зауытта 150 адам жұмыс істейді. Кәсіпорынның өнімділігі жылына 300 мың тоннаны құрайды. Ол 10 цехтан тұрады. Қазіргі уақытта Қарсақбай зауыты халықты ауыз сумен, жылумен және электр энергиясымен қамтамасыз ете отырып, кенттің барлық инфрақұрылымын қамтиды.