Қаражал қаласында І облыстық әйелдер спартакиадасы өтті

Қаражал қаласында әртүрлі спорт түрлерінен (волейбол, стритбол, үстел теннисі, тоғызқұмалақ, дойбы және президенттік көпсайыс) І облыстық әйелдер спартакиадасы өтті.

Жарысқа Жезқазған, Сәтпаев, Қаражал, Жаңаарқа және Ұлытаудан 5 команда қатысты.
Жалпы командалық есептің қорытындысы бойынша: I орынды — Жаңаарқа командасы, ІІ орынды — Жезқазған командасы, ІІІ орынды — Сәтпаев командасы иеленді.

Спартакиаданың жеңімпаздары мен жүлдегерлері кубоктармен, медальдармен және грамоталармен марапатталды.