Қарағандыда шала туған балалар күніне орай «Күлгін жүрек» онлайн-марафоны басталды

Бүгін бүкіл әлем бойынша Халықаралық шала туған балалар күні аталып өтуде. Жыл сайын планетада 15 миллионға жуық нәресте өте төмен салмақпен туылады. Бұл әрбір 10-шы нәресте. Шала туған балалар мен олардың ата-аналарын қолдау мақсатында қарағандылық Ардақ Омарова «Күлгін жүректер» онлайн-марафонын іске қосты. Әйел «28 ілмек» клубының мүшесі. «28 ілмек» халықаралық еріктілер қозғалысы осыдан сегіз жыл бұрын Алматыда пайда болған. Оның негізін қалаушы — журналист Карлан Нур. Бүгінгі таңда мұндай клубтар әлемнің 11 елінде бар. 2015 жылы «28 ілмек» Қарағандыда да ұйымдастырылды.

Еріктілер — қарапайым адамдар: мемлекеттік қызметкерлер, банк қызметкерлері, студенттер, үй шаруасындағы әйелдер және т.б. бей-жай емес қазақстандықтар таза мақта мен жүннен тоқылған заттар мен ойыншықтар: шұлық, бас киім, кеудеше, көрпелер және т. б. тоқиды. Содан кейін барлық киім-кешектер жан сақтау бөлімшелеріне тегін беріледі, онда шала туылған нәрестелер емделеді.

Жүннен жасалған заттар асығымпаздарды (шала туылған нәрестелерді еркелеиіп осылай атайды) жылытып қана қоймай, сонымен қатар емдік қасиеттерге ие. Жүйке талшықтарын ынталандыра отырып, олар баланың сезіну қабілетін күшейтеді де, ол өмір сүреді.

Қарағандылық еріктілер қарапайым заттарды тоқып қана қоймай, жаңа туған нәрестелердің фотосессияларына арналған ерекше жиынтықтар жасайды. Иірілген жіптерді сататын жергілікті дүкендерде «мейірм себеттері» бар. Кез-келген адам оларға тоқылған бұйымдарды немесе иірілген жіптерді қалдыра алады. Клуб жұмыс істеген бес жыл ішінде Қарағандыда облыстың перзентханасына 6 458 жүн бұйымдары тапсырылды.

«Күлгін жүректер» марафонының ұйымдастырушысы Ардақ Омарова шала туған балаларға арналған қызықты ойыншықтарды тоқып береді. Науқанға қатысу үшін ол кез-келген ниет білдірушіге асығымпаздарға күлгін реңкте жүректер тоқып, оларға түрлі-түсті спиральдар жалғауды ұсынды. Бұл шала туылған нәрестелер үшін ерекше ойыншық. Спиральдар бекерден таңдалған жоқ, олар кіндікке ұқсайды.

Мұндай марафондар бірінші рет өткізіліп отырған жоқ. Байқауға, әдеттегідей, бүкіл әлемдегі адамдар қосылды. Демеушілер — иірілген жіп сататын компаниялар. Бұл жолы марафонға қатысушыларға сыйлықтар көп болады. 25 дүкен, соның ішінде танымал ресейлік «Пехорка» компаниясы меценаттар болуға шешім қабылдады. Ең қуантарлығы, марафон жеңімпаздары бүкіл әлемдегі асығымпаздар үшін одан да көп заттар мен ойыншықтар тоқитын болады.

Ресми деректер бойынша, Қазақстанда жыл сайын 450 мыңға дейін сәби дүниеге келеді. Оның ішінде сәбилердің 4-тен 12%-ға дейіні — мерзімінен бұрын туылған балалар. Олардың салмағы мың грамнан аспайды.

Облыс әкімінің баспасөз қызметі.