Қарағандыда «Мәңгілік алау» жаңартылды
Қарағандыда «Мәңгілік алау» мемориалында жөндеу-қалпына келтіру жұмыстары аяқталды. Әскери даңқ ансамблі бір жарым ай ішінде жаңартылды.
Жұмыс кезінде от сөндірілді, отызыншы қыркүйекте ол қайтадан жағылды.
— Құрылысшылар гранит қаптаманы бөлшектеді. Металл конструкциялардан жасалған жақтау қайтадан құрастырылды. Тұтастыру жұмыстары орындалып, ондаған жаңа тақталар орнатылды. «Батырларға Мәңгілік даңқ» жазуындағы әріптер қалпына келтірді. Етегінде батыр қалалардың атаулары бар тақтайшалар жаңартылды, — деді Мәдениет және демалыс саябақтарын абаттандыру бөлімінің меңгерушісі Әлібек Мұқашев.
Оның айтуынша, сапаға қатысты шағымдар жоқ. Кепілдік мерзімі – бір жыл.
Жұлдыз және оның астындағы тақтайша жаңартылды.
«Мәңгілік алау» мемориалы Қарағандыда 1975 жылы, Ұлы Отан соғысындағы Жеңістің 30 жылдығына орай салынды. Жоба авторлары: мүсінші Жеңіс Молдабаев пен сәулетші Нұрбақыт Қойшыбеков. Кешен Қарағанды облысының жергілікті маңызы бар тарих және мәдениет ескерткіштерінің тізіміне кіреді. Сәулет ансамблін қайта құру 2014 жылы жүргізілді.
