Қарағанды облысының командасы Қазақстан гимназиядасында үздік бестікке енді
22 ақпан мен 13 наурыз аралығында оқушылар арасында Қазақстанның X қысқы гимназиядасы өтті. Қарағанды облысының командасы үздік бестік қатарына енді.
Додаға біздің өңірден спорттың жеті түрінен 112 оқушы қатысты. Нәтижесінде қарағандылық команда хоккейден екінші орын, президенттік көпсайыс пен мәнерлеп сырғанаудан екі үшінші орын алды. Командалық есепте біздің спортшылар бесінші болды.
Жарысқа республика облыстарынан барлығы 17 команда қатысты.
