Қарағанды облысының әйелдер құрамасы баскетболдан Қазақстан чемпионатында бірінші орын алды
2003-2004 жылы туылған қыздар арасындағы баскетболдан Қазақстан чемпионатында Қарағанды облысының құрама командасы бірінші орынға ие болды. Мадина Рахымбердиева мен Асылжан Майлыбай чемпионаттың үздік ойыншылары деп танылды.
— Осы чемпионатқа дейін коронавирустың кесірінен өте ұзақ үзіліс болды, біз жарысқа соңғы рет қаңтарда қатысқанбыз, — дейді жеңімпаз команданың бас бапкері Виктор Жевагин. — Қыздар Түркістанда өткен Қазақстан чемпионатында барлық жинақталған қуаттарын пайдаланып, басқа аймақтардан келген мықты қарсыластарын жеңді. Жас команда, бірақ болашағы зор. Оның құрамына тек Қарағанды ғана емес, сонымен қатар Жезқазған, Абай, Саран қаласының өкілдері кіреді. Клуб үшін тамаша қор, және оның болашақ жұлдыздары болатынына сенімдімін. Мен нәтижеге өте ризамын. Айтпақшы, біздің қыздар — Мадина Рахымбердиева мен Асылжан Майлыбай — чемпионаттың үздік ойыншылары деп танылып, ұлттық құраманың алты мүшесі спорт шеберлігіне үміткер болды.
Айта кетейік, Қарағандыдағы баскетбол клубы осы жылдың наурыз айында ресми түрде ашылды. Біздің әйелдер құрамасы бұған дейін Қазақстан жоғары лигасы чемпионатының бірінші турын өткізіп, Қазақстан Республикасы Федерациясының Кубогына қатысып, екінші орынға ие болды. Ерлер командасы ұлттық чемпионатта үшінші орында тұр.
Кәсіби клуб құрылғанға дейін, мектепті бітіргеннен кейін жас спортшылардың басқа өңірлерге кетуі болды. Енді бұл мәселе жойылды: клубтағы баскетболшылардың 99 пайызы — Қарағанды облысының қалалары мен аудандарының спортшылары.
Қарағанды облысының дене шынықтыру және спорт басқармасы баспасөз қызметінің хабарлауынша
