Қарағанды облысының инвестициялық қуаты арта түседі
Қарағанды облысында 2021 жылға 3% өсіммен 715 млрд теңге көлемінде инвестиция жоспарланған. Бұл соманың шамамен 82%-ы жеке инвестицияларды құрайды. 1500 жұмыс орнын құрумен 13 өндіріс ашылады деп күтілуде.
Өңір басшысы Жеңіс Қасымбек онлайн-кеңесте инвестициялық әлеуетті талқылады. Кездесуде өңірде қандай жаңа кәсіпорындар пайда болатыны туралы айтылды.
— 2020 жылы 678 млрд теңге инвестиция тартылды. Жеке инвестициялардың үлесі айтарлықтай өсіп, 83%-ды құрады. Биылғы жылы біз инвестиция көлемін 3% өсіммен 715 млрд теңгеге дейін арттыруды жоспарлап отырмыз. Металлургия, тау-кен өндіру саласында бірқатар ірі инвестициялық жобалар іске асырылуда. Көлік, ауыл шаруашылығы, білім беру, денсаулық сақтау салаларында да жобалар бар, — деп атап өтті облыс әкімі. — «АрселорМиттал Теміртау» және «Қазақмыс» ірі компаниялары инвестиция көлемін екі есеге арттыратынын мәлімдеді. Жалпы сомасы 200 млрд теңгеден асады. Біздің облыста өсу қарқыны айтарлықтай. Бізге бәрі кесте бойынша жүретініне көз жеткізу маңызды.
Өнеркәсіп басқармасының басшысы Ғалымжан Жұмасұлтанов салалар бойынша есеп берді. Өнеркәсіпте 25% өсіммен 420 млрд теңге деңгейінде инвестициялар көлемі болжануда; көлікте — 70 млрд теңге; құрылыста — 57 млрд теңге; ТКШ — 57 млрд теңге; АӨК — 31 млрд теңге; денсаулық сақтау мен білім беруде — 10 млрд теңгеден.
— Бізде шамамен 2 трлн теңге сомасына, 12,2 мың жұмыс орнын құрумен 50 жаңа ірі инвестициялық жобадан тұратын пул қалыптастырылды. Оның ішінде өткен жылы 2 500 жұмыс орнын құрумен 11 жоба іске асырылды. 2021 жылы 1500 жұмыс орнын құрумен 13 жобаны іске қосу жоспарланған, — деді Ғалымжан Жұмасұлтанов.
Мамыр айында Жәйремде швейцариялық компанияның қатысуымен жаңа байыту фабрикасын ашу жоспарлануда. Жоба құны — 145 млрд теңге. Жаңа өндірісте 210 жұмыс орны ашылады.
Басқарма басшысы бірқатар ірі жобаларды атады: агломерациялық фабрикасы бар ферроқорытпа зауыты, қара мыс концентраттарын қайта өңдеу, өнеркәсіптік жарылғыш заттар өндірісі.
Облыста «жасыл» энергетика дамуда. Балқашта жаңа күн электр станциясын іске қосу жоспарлануда. Саран мен Ағадырдағы қосымша күн қуаты мәселесі шешілуде.
Биыл облыста 2022 жылы іске қосылатын алты ірі жоба іске қосылады.
Кәсіпорын басшылары өз жобаларын іске асыру барысы туралы хабардар етті.
