Қарағанды облысының 6 мыңнан астам тұрғыны медициналық сақтандыру есебінен оңалту көмегін алды

Міндетті әлеуметтік медициналық сақтандыру жүйесі енгізгелі медициналық оңалтуды қаржыландыру көлемі едәуір артты. 2020 жылдың 9 айында медициналық сақтандыру есебінен Қарағанды облысының 6 354 тұрғыны оңалту көмегін алды. Бұл мақсатқа қор 1,348 млрд теңге бөлді.

Травматологиялық, неврологиялық және кардиологиялық бейіндегі тәуліктік стационарда қалпына келтіру емі және оңалту қызметтерін облыстың 16 медициналық ұйымы көрсетеді.

Жақында Қарағандыда балаларға арналған «Шипагер» оңалту орталығы ашылды. Мұнда 0-ден 18 жасқа дейінгі балалар жарақаттан қалпына келтіру бойынша, неврологиялық диагноздармен – церебральды сал ауруы, гидроцефалия және басқа да дерттер бойынша қабылданады.

— Кез келген бала, егер ол Қазақстан азаматы болса және өз емханасына тіркелген болса, бізге келе алады. Тұрғылықты жері бойынша медициналық мекемеде емдеуші дәрігер емдеуге жатқызу бюросының порталына қояды, өтінімдер күту парағына келеді. Біз диагноздың сәйкестігін, қажетті құжаттар тізімін қарастырамыз. Қазір бізде кереуеттер жеткілікті және келесі күні оңалтуға алуға дайынбыз, — дейді «Шипагер» оңалту орталығының атқарушы директоры Юлия Суенова.

Неврологиялық диагнозы бар балалар медициналық сақтандыру шеңберінде жылына төрт ретке дейін тұрақты оңалтудан өтеді. Оңалту ұзақтығы — 21 күнге дейін. Курсқа массаж, емдік дене шынықтыру, физиопроцедуралар, парафинотерапия, электроұйқыпроцедуралар және ЕДШ сертификатталған нұсқаушысы бар бассейндегі сабақтар кіреді.

— Әрбір күнге арналған процедуралар курсына дәрігер аурудың хаттамасына және баланың сәйкесінше жағдайын бағалай отырып қол қояды. Егер бала жарақаттан кейін болса, механотерапия да қосылады, — деді «Шипагер» орталығының бас дәрігері және реабилитологы Майя Нұралиева.

Оңалту орталығының пациенті 3 жасар қарағандылық Гордей жетінші оңалту курсынан өтуде. «Шипагерде» ем алып жатқан бала екі күн ішінде орталық мамандарына үйреніп, жатсынбайды. Ол әсіресе ойын бөлмесін жақсы көріп кеткен. Баланың анасының айтуынша, бұл оңалту курсын осы солы ұзақ күтпеген. Бірнеше күн ішінде жолдама алды.

— Біз ұлымызбен көптеген орталықтардан өттік, олардың біразы Қазақстаннан тыс жерде де болды. Біз жаттығу терапиясынан, физиокабинеттен, массаждан, логопедпен, психологпен, невропатологпен үнемі тексеруден өтеміз. Осындай командамен жеңіске жетуге ниеттіміз. Бір таңқаларлығы, мұның бәрі тегін. Бұған дейін бламызды жеке орталықтарда оңалту үшін 12 күн ішінде 300 мың теңгеден төледік. Содан кейін невропатолог бізге бәрі тегін екенін айтты. Бұл ата-аналарға үлкен көмек, — дейді қарағандылық Наталья Фукс.

Тағы бір науқас – 15 жастағы Аңсар. Ол келесі оңалту курсын оқумен біріктіреді. Процедуралар арасында ТЖБ және БЖБ тапсырады. Орталықта барлық жағдай жасалған.

— Барлығы ұнайды, жаңа ғимарат өте жайлы. Барлық қажетті процедурлар бар. Сонымен қатар бассейні де бар. Бұған дейін портал бойынша да, жеке тәртіпте де оңалту шаралары ақылы жүргізілген еді. Шығыны керемет болатын, — дейді Аңсардың анасы Әсел Нұржанова.

2020 жылы оңалту бюджеті 3,5 млрд теңгені құрады, бұл өткен жылмен салыстырғанда екі есе көп. МӘМС шеңберінде оңалтудан сондай-ақ күндізгі стационар деңгейінде және тұрғылықты жері бойынша амбулаториялық негізде өтуге болады.

Медициналық сақтандыру қорының Қарағанды филиалы баспасөз қызметінің ақпараты бойынша

Облыс әкімінің баспасөз қызметі.