Қарағанды облысында фермерлер ауыл тұрғындарына шөп таратты
Игі істер марафонын Ақтоғай ауданының фермерлері бастады. Олар мұқтаж ауыл тұрғындарына шөп таратты.
«Нұр» және «Нұршат» шаруа қожалықтары басшыларының бастамасы арқасында Абай және Қарамеңде би ауылдық округтерінен жеті отбасы орамдар мен түктерде шөп алды.
— Әр түрлі жағдайларға байланысты мал азығының қажетті мөлшерін жинап үлгермеген мұқтаж отбасыларға, қарт адамдарға көмек көрсетілді. Абай ауылдық округінде бес отбасына жүз орам шөп берілді. Қарамеңде би ауылдық округінде екі отбасы төрт орамнан алды, — деді Ақтоғай ауданы әкімдігінде.
Тағы бір отбасына мал азығын арзан бағамен сатып алуға көмек көрсетілді. Фермерлер олардың бастамасына басқа шаруа қожалықтарының басшылары да қосылады деп үміттенеді.
