Алдағы жұмыстар нақтыланды
Аудан әкімі Советбек МЕДЕБАЕВТЫҢ төрағалығымен ZOOM платформасы арқылы кезекті аппарат мәжілісі өтті. Мәжіліске аудандық мәслихаттың хатшысы Аманжол Мырзабеков, аудан әкімінің орынбасарлары, аппарат басшысы, мекеме, бөлім басшылары, кент, ауыл әкімдері қатысты.
Мәжілісте аудан аумағындағы кенттер мен ауылдық округтердегі тұрғындардың коронавирус инфекциясына қарсы вакцина алу жөнінде аудан әкімінің орынбасары Алмаз Қайырбек хабарлама жасады.
Бюджет қаражаттарын игеру туралы аудандық экономика және қаржы бөлімі басшысының міндетін атқарушы Ержан Бимағанбет баяндады.
Бұдан кейін аудан бойынша 2022 жылға қалатын мал бастарын анықтау, мал санағын өткізу жұмыстары бойынша аудандық ауылшаруашылығы бөлімінің басшысы Сағади Обайдуллин хабарлады.
Аппарат отырысында аудан басшысы Советбек Тұрсынұлы вакцина алу жұмыстарын ұйымдастыруды, сондай-ақ, «Pfizer» вакцинациясы бойынша жұмыстарды жүргізуді кенттер мен ауылдардың әкімдеріне тапсырды. Отырыста басқа да мәселелер қаралып, қойылған сұрақтарға тиісті мекеме басшыларына бірқатар тапсырмалар берілді.
Жасұлан АЯШЕВ
