1 ақпаннан бастап Қарағанды облысында коронавирусқа қарсы вакцинация басталады

Бірінші ақпанда Қарағанды облысы коронавирусқа қарсы жаппай вакцинацияға қосылады. Бірінші кезеңде өңірдің 9 мыңға жуық медицина қызметкерін «Спутник V» препаратымен егу жоспарлануда. Қарағанды облысының Қоғамдық денсаулық сақтау қызметінің басшысы Бибігүл Төлегенова вакцинациялау туралы айтып берді.

Қазір өңірде вакцинация орталықтары дайындалуда. Барлығы 115 кабинет ашылады. Вакцинация орталықтарында егуден кейінгі бақылау аймақтары қарастырылған. Препарат енгізілген сәттен бастап жарты сағат ішінде адам медбикенің бақылауында болады. Содан кейін алты күн бойы вакцина алғандардың барлығы аудио және бейне қоңыраулар арқылы учаскелік дәрігерлердің бақылауында болады.

Облыстың түрлі қалалары мен аудандарынан 500-ден астам медицина қызметкерлері оқытудан өтті. Ресейлік сарапшылар да денсаулық сақтау басқармасының қарағандылық мамандарымен бейнебайланыс арқылы өз тәжірибелерімен бөлісті. «Спутник V» вакцинасы туралы ең өзекті мәселелер талқыланды. Спикерлер құрамына вакцинаны тасымалдаумен айналысатын мәскеулік және Петербургтік мамандар, сондай-ақ биолог және инфекционист дәрігерлер кірді.

Дәрігерлердің айтуынша, ресейлік «Спутник V» вакцинасы қауіпсіз. Бұл екі компонентті препарат, ол 21 күндік аралықпен енгізіледі. Әзірлеушілер аденовирустық векторларды негізге алды, олар 70-ші жылдардан бері қолданылып келеді және жақсы зерттелген. Механизм қарапайым: s тікен вирусы (сол «корона») көбею генінен айырылған аденовирусқа қосылады. Вакцина құрамында аденовирустардың екі түрі бар. Сондықтан ол екі кезеңде енгізіледі.

«Спутник V» вакцинасының логистикадағы ерекшеліктері бар. Оны тасымалдау кезінде -20° C температуралық режимді сақтау қажет, сондықтан тасымалдау белгіленген температураны 48 сағат бойы ұстап тұратын арнайы термоконтейнерлерде жүзеге асырылады. Олардың көлемі 80 литр болады. Температуралық режимді жазуды логгерлер жүргізеді. Кейіннен электронды деректер тіркеушісін компьютерге қосып, температураның ауытқуын бақылауға болады. Сонымен қатар, денсаулық сақтау басқармасы вакцинаны сақтауға арналған арнайы медициналық мұздатқыштарды сатып алды.

— Ресейде 2 млн-нан астам адам вакцинацияланды, — деп хабарлады Бибігүл Төлегенова. — Өлім жағдайлары тіркелген жоқ. Кейбір вакцинацияланған адамдарда тұмауға ұқсас синдром тіркелген, ол 2-3 күн ішінде өтеді. Бұл әлсіздік, ауырсыну, егу орнындағы ауырсыну, дене ыстығының көтерілуі. Бұл вирустық ауруларда кездесетін белгілер. Қазақстанда вакцинация тек ерікті негізде жүргізіліп, тегін медициналық көмектің кепілдік берілген көлемі есебінен қаржыландырылатынын атап өткім келеді.

Вакцинаны 18 жастан 60 жасқа дейінгі ересектер ала алады. Басқа жас санаттары үшін сынақтар әлі жүргізілген жоқ. Созылмалы аурулары бар адамдарды да вакцинациялауға болады, бірақ дерттің жіті кезеңінде емес. Сондай-ақ, егер адам алты ай бұрын КВИ-мен ауырса, бұл вакцинацияға қарсы көрсеткіш болмайды. Иммунитеттің қандай мерзімге қалыптасатыны әлі белгісіз.

Дәрігерлер вакцинациядан 24 сағат бұрын және одан кейін бір күн бұрын ауыр спортпен шұғылдануды, саунаға баруды және алкоголь ішуден бас тартуға кеңес береді.

Бірінші кезеңде Қарағанды облысында инфекциялық ауруханалардың, жедел медициналық жәрдемнің, реанимация, БМСК бөлімшелерінің, қабылдау бөлмелерінің, санэпидқызметтің 9 мың медицина қызметкерін егу жоспарлануда.

Наурыз айында екпені бірінші санатқа кірмеген дәрігерлер, жалпы білім беретін мектептер мен университеттердің педагогтары алады. Үшінші кезеңде мектеп-интернаттардың, мектепке дейінгі мекемелердің педагогтарын, студенттерді және созылмалы аурулары бар адамдарды қамтиды.